20 fevral 2008-ci il tarixli «AzEuroTel» BM-nin Pres-relizi



Beynəlxalq Elektrorabitə İttifaqı (ITU) «AzEuroTel» şirkətini BEİ-nın Elektrorabitənin İnkişafı Sektorunun fəaliyyətində son 10 il ərzində iştirakına və dəstəkləməsinə görə Yubiley Fərmanı ilə təltif etmişdir. AzEuroTel 1998-ci ilin sentyabr ayından etibarən BEİ-nın Elektrorabitənin İnkişafı Sektorunun (ITU-D) üzvü olaraq, BEİ-nın bütün təşəbbüslərində, ITU-nun təşkil etdiyi müxtəlif iclaslarda, işçi qrupların müşavirələrində, təlimlərdə, sərgilərdə iştirak edir.
Beləki, biz ITU World Telecom-un 1999, 2003 illərdə təşkil etdiyi ümumdünya sərgilərində Azərbaycanı təmsil edən yeganə şirkət olmuşuq. Həmin sərgilərdə öz stendimiz ilə iştirak edərək, biz sərgidən real rejimdə reportajlar yayımlayırdıq və arzu edən hər kəs, veb-səhifəmizə daxil olaraq sərgini seyr edə bilərdi.
Bizim nümayəndələrimiz ITU-D sektorunun bütün iclaslarında fəal iştirak edirlər. Bu AzEuroTel şirkətinə Beynəlxalq Elektrorabitə İttifaqının ən son təşəbbüslərindən xəbərdar olmaq, informasiya-kommunikasiya texnologiyalarının inkişafına əlindən gələn əməyi əsirgəməmək imkanı yaradır.
Biz ITU-nun işində iştirakımızın qiymətləndirilməsi ilə fəxr edirik və qarşılıqlı faydalı, səmərəli əməkdaşlığımızı davam etdirəcəyik.
BEİ Birləşmiş Millətlər Təşkilatının informasiya-kommunikasiya texnologiyaları sahəsindəki aparıcı təşkilatdır. Dövlət idarə etmə və özəl sektor orqanları üçün ümumdünya koordinasiya mərkəzi olan BEİ-nın rolu dünyaya ünsiyyət qurmaqda yardımçı olmaqdan ibarətdir və bu funksiya üç əsas sektorun fəaliyyəti şəklində həyata keçirilir: radiorabitə, standartlaşdırma və inkişaf. BEİ həmçinin TELECOM tədbirlərini təşkil edir və informasiya cəmiyyəti məsələləri üzrə yüksək səviyyəli Ümumdünya görüşünün aparıcı təşkilatçı-müəssisəsidir.
Elektrorabitənin İnkişafı Sektorunun (ITU-D) vəzifəsi planet sakinlərinin infrastruktur və informasiya-kommunikasiya texnologiyaları xidmətlərinə çıxış əldə etməklə ünsiyyət qurmaq hüququna əsaslanan məqsədlərə nail olmağa yönəlmişdir. BEİ-nın baş qərargahı İveçrənin Cenevrə şəhərində yerləşir və onun üzvləri 191 Dövlət və 700-dən çox Sektor və Cəmiyyətlərdir.


   28 dekabr 2007-ci il tarixli Press-reliz



Kibernetika İnstitutunun Direktoru akademik T.Əliyev «Rabitə və İnformasiya Texnologiyaları sahəsində Ən yaxşı Menecer» nominasiyasında İntellekt-2007 mükafatını «AzEuroTel» şirkətinin Baş direktoru cənab N.Əhmədova təqdim edir.




Milli Məclisin İqtisadi Siyasət üzrə Daimi Komissiyasının Sədri, Akademik Z.Səmədzadə «Təqdim olunan xidmətlərin yüksək keyfiyyətinə görə» nominasıyada İntellekt-2007 mükafatını «AzEuroTel» şirkətinin nümayəndəsi, Baş direktorun müavini cənab R. Səfərova təqdim edir.

   15 dekabr tarixində Hyatt Regency otelinin «Quba» zalında İNTELLEKT-2007 mükafatının təqdim edilmə mərasimi keçirilmişdir.
İntellekt mükafatı IT Magazine jurnalı və Azərbaycanın Layihələrin İdarəolunması Assosiasiyası ilə birgə təsis edilmişdir. Bu mükafat hər il müxtəlif iqtisadi sahələrdə «İlin Ən yaxşı Layihəsi»nə görə təqdim edilir.
Bu mükafata özlərində təcrübəni, ideyaları, texnologiyaları cəmləşdirən və ölkəmizdə iqtisadiyyatın inkişafı üçün istifadə edə bilən şəxslər, şirkətlər layiq görülür.
İNTELLEKT-2007 mükafatının «Rabitə və İnformasiya Texnologiyaları sahəsində ilin Ən yaxşı Meneceri» nominasıyasında «AzEuroTel»-in Baş direktoru cənab Nuru Əhmədov qalib olmuşdur.
«Təqdim olunan xidmətlərin yüksək keyfiyyətinə görə» nominasiyada İNTELLEKT-2007 mükafatına «AzEuroTel» şirkətinin kollektivi layiq görülmüşdür.
«AzEuroTel» şirkəti Azərbaycanın telekommunikasiya bazarında artıq 10 ildən çoxdur ki çalışır.
Şirkətin uğurlu fəaliyyətinin əsas prinsiplərini təqdim olunan rabitə xidmətlərinin yüksək keyfiyyəti və etibarlılığı, müştərilərin tələbatlarına oriyentasiya, müasir rabitə xidmətlərinin innovasiyalarının tətbiqi təşkil edir.
Baş direktor cənab N. Əhmədovun rəhbərliyi altında şirkətin kollektivi keyfiyyətə görə, Ən yaxşı ticarət markasına görə, eləcə də çoxsaylı nüfuzlu beynəlxalq mükafat və prizlərə, həmçinin 2004-cü ildə Cenevrədə «İşgüzar təcrübədə yüksək keyfiyyətə görə» («Gold Medal for Excellence in Business Practice») Qızıl medala layiq görülmüşdür.
Strateji menecment sahəsində şəxsi əməyinə görə Baş direktor cənab Nuru Əhmədov 2002-ci ildə «Sənayeə yardım assosiasiyasının qızıl Medalı» (Fransa) ilə təltif edilmiş, bir neçə dəfə «UGUR» mükafatına layiq görülmüş, «Əmək sücayətinə» görə medalla təltif edilmişdir.
2006-cı ildə Azərbaycan Respublikası Prezidentinin Fərmanı ilə ona «Respublikaının Əməkdar Mühəndisi» adı verilmişdir.

   28 mart 2007-ci il tarixli «AzEuroTel» BM-nin Pres-relizi

   Dünən 27 mart 2007-ci il tarixində Gülüstan sarayında Xəzər İnteqrasiya İşgüzar Klubunun «Caspian Energy Integration Award - 2007» mükafatının 3-cü Beynəlxalq təqdim edilmə mərasimi keçirilmişdir.
   «İlin telekommunikasiya şirkəti» nominasiyasında mükafat «AzEuroTel» BM-nə təqdim edilmişdir.
   Mərasimdə ali dövlət icra institutlarının nümayəndələri, iri şirkətlərin rəhbərləri, diplomatik korpusun nümayəndələri iştirak etmişlər.
   Hər il təqdim edilən «Caspian Energy Integration Award - 2007» Beynəlxalq Mükafatı Xəzər İnteqrasiya İşgüzar Klubu tərəfindən 2002-ci ildə təsis edilmişdir. Ötən illərdə Azərbaycan Respublikasının Ümummilli Lideri Heydər Əliyev, Qazaxstan Respublikasının Prezidenti Nursultan Nazarbayev, Prezident İlham Əliyev müxtəlif nominasiyalar üzrə qran-pri qalibləri olmuşlar.
   «AzEuroTel» BM-nin rəhbərliyi bütün əməkdaşlarını mükafat münasibətilə təbrik edir və qeyd edir ki, belə nüfuzlu mükafatın alınması bütün kollektivin əməyidir.