|
Britaniyanın GRT şirkətinin istehsalı olan güclü rəqəmli «System X» ATS-nın əsasında yaradılan 492/497/437 ATS-sı kompleks telekommunikasiya xidmətlərinin: lokal telefon şəbəkəsi, şəhərlərarası və beynəlxalq rabitə, çoxməqsədli beynəlxalq rabitə, Nokia Actionet çoxməqsədli trank rabitəsi, mə’lumatların paketli ötürülməsi xidmətlərinin həyata keçirilməsi üçün platformadır.
Bu gün ATS 492/497/437 mə’lumatların və rəqəmlərin daha böyük həcmdə ötürülməsi üçün kanalların sayının artırılmasına imkan yaradan özünün «SDH» nəqliyyat şəbəkəsi ilə Bakı şəhərinin bütün stansiyaları ilə bağlıdır.
«AzEuroTel» ATS 432, 438/439, 491, 494/495 zonalarında telefonların quraşdırılmasını, eləcə də həmin stansiyaların hazırda fəaliyyətdə olan telefonlarının ATS 492/497/437 -nin nömrələrinə dəyişdirilməsini həyata keçirir.
ATS 492/497/437 çağırışın ünvanının dəyişdirilməsi, çağırışın gözləməyə qoyulması, çoxtərəfli konfrans-rabitəsi və s. kimi qabaqcıl xidmətləri təklif edir.
ATS 492/497/437-nin xidmətlərindən bugün 20 000 yaxın abunəçi istifadə edir, o cümlədən Prezident Aparatı, Nazirlər Kabineti, transmilli neft korporasiyaları- Amoko, Penzoyl, Statoyl, LUKoyl, VR, səfirliklər, banklar.
|
|
